K + H = G

[ KULTURA + HEZKUNTZA= GIZARTERATZEA ]

Niretzako hiru termino horiek batuketa horretan labur daitezke. Klasean denbora luzez egon ginen eztabaidatzen honen inguruan baino niretzako orden bakarra KULTURA-HEZKUNTZA-GIZARTERATZEA zen eta aitortu beharra daukat nahiko buru gogorra naizela, beraz, ideia bat buruan sartzen zaidanean zaila egiten zait iritziz aldatzea. Taldeko beste kide batzuk HEZKUNTZA-KULTURA-GIZARTERATZEAren aldekoak ziren eta hona hemen oiloa eta arrautzaren dilema: zein izan zen lehenengo? Argi dago oilarra ez zela izan, baina zein orduan: arrautza ala oiloa? Nire “ teoria”-ren arabera, hezkuntza kulturan oinarrituta dago eta hezkuntzaren bidez gizarteratzen gara. Hortaz, KULTURA niretzako, giza talde konkretu batek dituen ohiturak,sinesmenak eta bizi-modua dira, azken hauek, inguruak, genetikak, etab bezalako faktoreengatik zehaztuak daude. HEZKUNTZA, bestalde, kultura horren “ikaste prozesua” da, non, kultura bakoitzean ematen diren ohiturak eta sinesmenak barneratzen diren.  Azkenik, GIZARTERATZEA, hezkuntzaren bidez, kultura ikasi eta barneratu ondoren gizartean murgiltzea da.